"Celui ki cherche connaissance (Deen) pou mette parade avec banne 'Oulama ou bien pou discute avec banne ki pena l'esprit ou bien pou attire l'attention banne dimoune envers li, Allah Ta'ala pou mette li dans du feu (l'enfer)." Tirmizi
Explication:
Le but pou apprane Deen c'est pou mette li
en pratique et transmette li à banne ki pas conné. Apprane Deen avec ene but
pareille c'est ene grand ibaadat et d'après hadice, c'est pou ça même qualité
apprane Deen-là ki Allah Ta'ala fine réserve ene récompense énorme. Quant à
banne ki ena ene l'autre visé derrière apprane Deen, c'est banne dimoune ki pas
sincère. D'après ene hadice ki trouve dans Abou Dawoud, Ibn Maajah et Musnad
Ahmad, banne dimoune pareille pas pou gagne parfum jannat. (Extrait de Al-Jamiat Vol 3 No. 14)
